ვებ-გვერდის შექმნა მხოლოდ ტექნიკური ამოცანა არ არის — ეს გრძელი და შრომატევადი პროცესია, რომელიც დეტალურ დაგეგმვას, სწორი დიზაინის არჩევასა და რაც მთავარია თითოეული ეტაპის ზუსტ განხორციელებას მოითხოვს. 

Wevosoft-ის გუნდი მაქსიმალურად ცდილობს, ყოველი ვებ-გვერდი მომხმარებლის საჭიროებებს, ბრენდის იდენტობასა და მიზნებს სრულად შეესაბამებოდეს. 

მოდით, განვიხილოთ, როგორია ვებ-გვერდის შექმნის პროცესი, რომელიც დღეავდენლ დროში ბრენდის წარმატების ერთ-ერთი წინაპირობაა. 

ყველაფერი იწყება მომხმარელთან შეხვედრით. პირველ ეტაპზე მნიშვნელოვანია, სრულად გავიგოთ, რას ეძებს მომხმარებელი. ეს ყველაფერი გვეხმარება იმაში, რომ გავარკვიოთ, რა ტიპის ვებ-გვერდი სჭირდება კლიენტს, როგორია მისი ბრენდის ხასიათი და რა სეგემნტისთვის სურ ამა თუ იმ ინფორმაციის მიწოდება.

 საერთო ხედვის ჩამოყალიბება იმაზე მნიშვნელოვან როლს ასრულებს, ვიდრე ერთი შეხედვით ჩანს — სწორედ აქ ყალიბდება მთელი პროექტის საძირკველი.

დიზაინის შექმნა არის ეტაპი, სადაც იდეა ვიზუალურ სახეს იღებს. ამ ეტაპზე იწყება დიზაინერთან ერთად მუშაობა ისეთ ელემენტებზე, როგორებიცაა ფერები, შრიფტები, გამოსახულებები და ნავიგაცია. ჩვენი მიზანია, ვიზუალური მხარე იყოს მარტივად აღქმადი, მაგრამ შთამბეჭდავი, და რაც ყველაზე მნიშვნელოვანია მომხმარებელმა სწრაფად გაიგოს, რას სთავაზობს ვებგვერდი მას. 

ჩვენი გადმოსახედიდან აუცილებელია, რომ თითოეული დეტალი ბრენდის იდენტობას ასახავდეს და ზუსტად იმ აუდიტორიას ერგებოდეს, ვისთვისაც ვებ-გვერდი იქმნება. სწორედ ამიტომაა საჭირო, თავდანვე ზუსტად იცოდეს დეველოპერმა თითოეული ზემოთ ჩამოთვლილი იმნფორმაცია. ამ ეტაპზე კლიენტი უკვე ვიზუალურად ხედავს თავის იდეას და შეუძლია შეაფასოს, ემთხვევა თუ არა ის მის მოლოდინს.

დიზაინის დამტკიცების შემდეგ უშუალოდ ვებგვერდის შექმნის ეტაპზე გადავდივართ. ეს არის ტექნიკური სიღრმეების მომენტი, როდესაც დიზაინი გარდაიქმნება ფუნქციურ ვებ-გვერდად. ჩვენი დეველოპერები ვებგვერდის სწრაფი, უსაფრთხო და ოპტიმიზირებული მუშაობისთვის უახლეს ტექნოლოგიებს იყენებენ. აქ ხდება ყველა იმ ფუნქციური ელემენტის დანერგვა, რასაც საიტს საჭიროებს — იქნება ეს ფორმები, ანიმაციები თუ სხვა ინტერაქციული ელემენტები.

მომდევნო, არანაკლებ მნიშვნელოვანი ეტაპი არის ვებგვერდის ტესტირება და ოპტიმიზაცია. სანამ საიტს ფართო აუდიტორიისთვის ხელმისაწვდომს გავხდით, ვამოწმებთ, თუ როგორ მუშაობს ის სხვადასხვა მოწყობილობაზე და ბრაუზერზე. აუცილებელია, საიტი თანაბრად გამართულად ფუნქციონირებდეს როგორც კომპიუტერზე, ისე მობილურ ტელეფონებზე ან პლანშეტებზე. ვამოწმებთ ჩატვირთვის სისწრაფეს და ვწყვეტთ ისეთ წვრილმან საკითხებსაც კი, რაც შესაძლოა მომხმარებლისთვის უხილავი იყოს, მაგრამ საბოლოო შედეგზე მცირე გავლენას მაინც ახდენდეს.

საბოლოოდ, ვებ-გვერდი გაშვების ეტაპზე გადადის. გაშვება პროცესის დასასრული ნამდვილად არაა, რადგან ეს არის ეტაპი, როცა თქვენი ბრენდი ახალ ონლაინ სივრცეში შედის და მომხმარებლების ყურადღების მიქცევას იწყებს. ჩვენ გაშვების შემდეგაც ვაგრძელებთ ტექნიკური მხარდაჭერის შეთავაზებას: ვამოწმებთ საიტის გამართულობას, ვახდენთ საჭირო განახლებებს და ვუზრუნველყოფთ, რომ ვებგვერდი მუდამ ფუნქციური და გამრთული იყოს. 

Wevosoft-ის მიზანი არის ის, რომ ვებ-გვერდის შექმნის თითოეული ეტაპი მაქსიმალურად იყოს მორგებული კლიენტის სურვილებზე და მათი ბიზნესის საჭიროებებზე. თუ თქვენ ეძებთ კომპანიას, რომელიც არამხოლოდ თანამედროვე ვებ-გვერდებს ქმნის, არამედ თქვენი ბიზნესის ციფრული განვითარების მთავარი გასაღებია მაშინ გილოცავთ, თქვენ ახლახანს სწორი დეველოპერული კომპანიის სწორი ბლოგის კითხვა დაასრულეთ!